GARAPEN IRAUNKORRERAKO HELBURUAK, ZER DIREN ETA NOLA IRISTEN GAREN

22/01/2021

UNESCO Etxeak animazio bat sortu du Gasteizko Udalaren, Bilboko Udalaren eta Garapenerako Lankidetzaren Euskal Agentziaren laguntzarekin, 2030 Agenda zer den eta Garapen Iraunkorrerako Helburuak zein diren azaltzeko. Ikus-entzunezko hau ezinbesteko tresna da 2030 Agenda eta GIHak modu erakargarri eta hurbilean ulertarazteko eta zabaltzeko. Animazioaren helburua da 2030 Agenda eta GIHak testuinguru globalean zein tokian tokiko testuinguruan ezagutaraztea eta guri nola eragiten diguten azaltzea, gizarte informatuago eta kontzienteago bat sortu ahal izateko. Halaber, ikus-entzunezko honen bitartez, iraunkortasuna, genero-berdintasuna, justizia eta giza eskubideak nabarmendu nahi dira, baita herritar aktibo eta kontzienteek duten betebeharra ere.

https://www.youtube.com/watch?v=IT9rJkK6WiU&t=3s